KUMBUKUMBU

KUMBUKUMBU
KUMBUKUMBU

USISAHAU


Friday, October 20, 2017

NZIWIKE KUBOMA NYEE MULAVE AMAPICHA



VANDELA

ALBAMU YA HAKUNA MATATA KUZINDULIWA OKTOBA 29 HIGHLAND HALL, IRINGA

Mwimbaji wa nyimbo za Injili kutoka jijini Dar es salaam Dr. Tumaini Msowoya anawakaribisha wakazi wote wa Iringa na mikoa yote ya jirani katika uzinduzi wa albamu yake mpya iitwayo Hakuna Matata ikiwa ni albamu yake ya pili yenye mkusanyiko wa nyimbo nane ikiwemo Hakuna Matata, Amenitengeneza, Furaha, Mungu Mkuu, Wanawake, Mwamba ni Yesu, Samehe na Mungu wa Rehema, albamu hii itakuwa ikipatikana katika mfumo wa Audio CD.

Akiongea na gospomedia.com mwimbaji Dr.Tumaini Msowoya amesema kuwa uzinduzi huu utafanyika mjini Iringa katika ukumbi wa Highland Hall tarehe 29 Oktoba 2017 kuanzia saa nane mchana na kuendelea, Mgeni Rasmi katika uzinduzi wa albamu hii ya Hakuna Matata atakuwa ni Mkuu wa wilaya ya Iringa Mh. Richard Kasesela ambaye atasindikizwa na wageni mbalimbali akiwemo Mchungaji Peter Msigwa ambaye pia ni mbunge wa Iringa na wageni mbalimbali wataohudhuria siku hiyo katika kumuunga mkono mwimbaji huyu.
Kwa upande wa huduma ya uimbaji Dr.Tumaini Msowoya amesema kuwa uzinduzi huu utapambwa na waimbaji na kwaya mbalimbali kutoka ndani na nje ya mkoa wa Iringa, waimbaji watakaohudumu siku hiyo ni pamoja na Christopher Mwahangila, Ritha Komba, Witness Mbise, Tukuswiga IM, Stella Joel, Bahati Simwiche, Christina Mbilinyi, Moses Simkoko, Rebecca M, Matumaini, Bertha Mdemu na wengine wengi. Kwa upande wa kwaya zitakazohudumu siku hiyo ni pamoja na Kwaya ya Wakorinto wa pili(Mufindi), Kwaya ya Muhimidini vijana (Iringa Mjini) pamoja na kwaya nyingine nyingi ambazo pia zitakuwa baraka katika kuusindikiza uzinduzi wa albamu hiyo.

Kuhusiana na yeye kufanya uzinduzi wa albamu hii mkoani Iringa Dr.Tumaini msowoya amesema kuwa ”Ninafanya uzinduzi huu mkoani Iringa kwa sababu wao ni sababu ya hatua zangu zaidi…. Dar nina muda mfupi sana tangu nihamie kwa hiyo nimeona nirudi Iringa kuwarudishia kile walichonituma watu wangu wa nguvu…..”
”Hakuna Matata ndiyo wimbo unaobeba jina la albamu yangu mpya na huu ni wimbo unamuongezea mtu nguvu kwamba hata kama kuna jaribu gumu kiasi gani, kushinda ni lazima. Ukiwa na Yesu hakuna matata. . ..Kuna wakati majaribu huwa yanaumiza moyo cha msingi ni kujipa moyo. ..kutokata tamaa na kusonga mbele”. Alimaliza na kusisitiza Dr.Tumaini Msowoya na kuwasihi wakazi wote wa mkoani Iringa na mikoa ya jirani kufika siku ya uzinduzi albamu hiyo ili kumtia moyo katika kufanikisha safari yake ya kulitangaza neno la Mungu kupitia nyimbo za muziki wa Injili.

Kabla ya kuhamia jijini Dar es salaam Dr.Tumaini Msowoya alikuwa akifanya kazi kama mtangazaji wa redio ya Ebony Fm na baadae kuwa mwenyekiti wa vijana (UVCCM) wa mkoani hapo.
Mbali ya kuwa mwimbaji wa muziki wa Injili, Dr. Tumaini Msowoya kwasasa pia ni mwandishi wa gazeti (Mwananchi) na ni mwanaharakati wa ukombozi wa wanawake nchini Tanzania.
Kwasasa anafanya vyema na wimbo uitwao Furaha ukiwa ni moja ya wimbo unaopatikana kwenye albamu hii mpya ambao hata wewe utakwenda kukubariki na kubadilisha maisha, Karibu usikilize na upakue wimbo huu na usiache kufika siku ya uzinduzi wa albamu ya ”Hakuna Matata”


DOWNLOAD AUDIO

MBUNGE RITTA KABATI AKERWA NA MIMBA ZA UTOTONI KATIKA SHULE YA SEKONDARI YA KWAKILOSA

 Mbunge wa viti maalum mkoa wa Iringa kupitia Chama Cha Mapinduzi (CCM) Ritta Kabati, akiongea na wanafunzi, wazazi na walimu wakati wa mahafali ya kidato cha nne mwaka huu 2017 katika shule ya sekondari ya Kwakilosa iliyopo katika manispaa ya Iringa 
Baadhi ya wanafunzi na wazazi waliohudhuria sherehe za kuhitimu kwa wanafunzi wa kidato cha nne katika shule ya sekondari ya Kwakilosa iliyopo kata ya Mwangata.

Mbunge wa viti maalum mkoa wa Iringa kupitia CCM Ritta Kabati akimkabidhi cheti mmoja ya wanafunzi wa kike aliyehitimu kidato cha nne katika shule ya sekondari ya Kwakilosa

Na Fredy Mgunda, Iringa.

Mbunge wa viti maalum mkoa wa Iringa kupitia Chama Cha Mapinduzi (CCM) Ritta Kabati amekerwa na uwepo wa mimba za utotoni katika shule ya sekondari ya Kwakilosa iliyopo kata ya Mwangata manispaa ya Iringa, kwa kuwa kitendo hicho kinachosababisha kushuka kwa elimu katika shule hii.

Akizungumza wakati wa sherehe za kuhitimu elimu ya sekondari kwa wanafunzi wa kidato cha nne mwaka huu Kabati alisema kuwa amesikitishwa kusikia kila mwaka kuna wanafunzi wanakatisha masomo kwa ajili ya kupata ujauzito.
“Jamani tumekuwa tukitoa elimu kila mara juu ya madhara yanayotoka na upatikanaji wa mimba za utoto za hii shule, sasa imekuaje kila mwaka wanafunzi wanaendelea kupata mimba? Hii haikubaliki katika jamii kabisa maana hawa wanafunzi ndio tegemeo la Taifa” alisema Kabati

Kabati aliwataka wazazi na walimu kuwalinda wanafunzi wa kike ili wasikumbane na adha ya kupata mimba wakiwa watoto wadogo kwani kunapoteza muelekeo wa maisha yao na maendeleo ya Taifa kwa ujumla.

“Haiwezekani kila mara wazazi mnakuwa wa kwanza kuwa chanzo cha kuwaharibu watoto na kwanini wazazi mnafanya hivyo maana watoto hawa ndio watakao wasaidia hapo baadae mkiwa mmezeeka, nawaombeni muwatunze watoto wenu” alisema Kabati

Aidha Kabati aliwataka wanafunzi wote mkoani Iringa na Tanzania kwa ujumla kuacha kufanya mapenzi wakiwa na umri kama wao hivyo wanapaswa kujilinda ili kufikia malengo yao waliojiwekea na waridhike na kipato walicho nacho wazazi wao.

“Hivi kama mimi ningeanza mapenzi nikiwa na umri kama wenu unafikiri ningefikia malengo haya niliyonayo hivyo nawaomba msifanye mapenzi mkiwa na umri mdogo ili baadae mje kufikia malengo yenu” alisema Kabati

Kwa upande wake mkuu wa shule hiyo Hudson Luhwago aliwatupia lawama wazazi na walezi wa wanafunzi wa shule hiyo kwa kutowalea katika malezi mazuri wanafunzi hao.

“Yaani kabisa mzazi anakuja na wanafunzi anamuombea ruhusa kuwa walikuwa fiesta wote hivyo mtoto amechoka hawezi kuja shule hii ni aibu na ndio ukweli unaoendelea kwa baadhi ya wazazi wa wanafunzi wa shule hii” alisema Luhwago

 Luhwago alisema kuwa kuna baadhi ya wanafunzi wana wanaume zaidi ya watano na wazazi wanayajua hayo lakini wanashindwa kuwakemea watoto wao na ndio maana wanakuja shule wakiwa na kiburi hata kwa walimu.

“Wanafunzi hawa wanaohitimu shule leo walikuwa wanakiburi kwa sisi walimu hadi ikabidi tukae kama waalimu tuwajadili, lakini chanzo chote ni malenzi mabaya wanayoyapata kutoka kwa baadhi ya wazazi au walezi wao” alisema Luhwago

Akisoma risala kwa mgeni rasmi makamu mkuu wa shule Praygod Makongwa alisema kuwa hadi sasa kuna mwanafunzi ameachishwa shule akiwa kidato cha kwanza kwa sababu ya kuwa mujamzito na hata hawa wanaohitimu hii leo mwenzao mmoja alikatisha masomo akiwa kidato cha pili kwa kuwa na ujauzito.

“Sisi kama walimu wa shule hii tumeshazoea kuona wanafunzi wanakatisha masomo kwa ajili ya kupata mimba na ukiangalia kwa umakini walimu tunawalea wanafunzi kwa maadili yanayotakiwa tatizo lipo kwa wazazi hao unakuta mtoto na mzazi wapo disco pamoja, wanakunywa pombe pamoja sasa hapo utapata matokeo gani?” alisema Makongwa


Lakini Makongwa alisema kuwa shule imejiwekea mikakati ya kuhakikisha inajenga majengo ya mabweni kwa wanafunzi ili kumaliza tatizo la mimba za utoto na kuboresha elimu ya shule ya sekondari ya Kwakilosa.

AMAGASETI 20 OKTOBA 2017





Thursday, October 19, 2017

BARRICK GOLD NA SERIKALI WATILIANA SAIN MAKUBALIANO


AMAGASETI 19 OKTOBA 2017



TUMAINI MSOWOYA KUACHIA ALBUM YAKE YA 'HAKUNA MATATA' OKTOBA 29 UKUMBI WA HIGHLAND

Mkuu wa Wilaya ya Iringa, Richard Kasesera anatarajia kuwa mgeni rasmi katika uzinduzi wa albamu ya mwimbaji wa nyimbo za Injili Tumaini Msowoya, katika ukumbi wa Highland Hall mjini Iringa.
Wageni wengine wa heshima kwenye uzinduzi huo ni  Mbunge wa Jimbo la Iringa mjini, Mchungaji Peter Msigwa, Mkuu wa Wilaya ya Kilolo, Asia Abdalah, Mhadhiri wa Chuo Kikuu cha Kikatoliki cha Ruaha, Baby Baraka Chuma, na wachungaji kutoka makanisa mbalimbali.
 Msowoya alisema tayari albamu hiyo yenye nyimbo nane imeshakamilika.
“Naenda Iringa kurudisha shukrani zangu kwao, nataka wajue nipo huku sio tu kwa sababu ya kazi bali huduma ya kuimba niliyoanza ”
Alizitaja nyimbo zilizo kwenye albamu hiyo kuwa ni Hakuna Matata, Mwamba, Amenitengeneza, Furaha, Mungu Mkuu, Wanawake Jeshi Kubwa, Samehe na Mungu wa Rehema.
“Kazi hii nimeifanya chini ya usimamizi wa JB Production ikisimamiwa na Producer Smart Bilionea Baraka. Ndiye meneja anayesimamia kazi zangu kwa sasa,’ alisema Msowoya.
Wasanii watakaomsindikiza
Meneja wa Msowoya, Smart Bilionea Producer Baraka alisema tayari waimbaji na kwaya  mbalimbali kutoka Iringa na Dar es Salaam watamsindikiza kwenye uzinduzihuo.
Alizitaja kwaya zizothibitisha kumsindikiza kuwa ni Wakorinto wa Pili kutoka Mufindi, Muhimidini na kwaya ya Vijana kutoka Iringa mjini.
Baadhi ya waimbaji ni  Christopher Mwahangila anayetamba na wimbo wa ‘Mungu ni Mungu tu’, Mchekeshaji na mwanamuziki mpya wa Injili Tumaini Martine maarufu kwa jina la Matumaini wa Kiwewe, Christine Mbilinyi, Moses Simkoko, Ritha Komba na Witness Mbise kutoka Dar es Salaam.
Wengine ni Rebecca Baraka, Jesca Msigwa, Ester Mgunda, Rebecca Mwalingo, Dennis Lukosi,  Wadi Mbelwa, Peter Mgaya, Rehema Chawe, Twaibu Mgogo, Emma Sanga na Victoria Mwenda kutoka Iringa.
“Waimbaji watakaomsindikiza ni wengi na bado tunaendelea kuwasajili wengine. Bado tupo kwenye mazungumzo na Bahati Bukiku ambaye anaangalia ratiba yake, ikiwa sawa tutakuwa pamoja,”alisema.
Aliwaka Watanzania kupokea kazi ya Msowoya kutokana na ubora wake wa nyimbo zilizobeba ujumbe unaoweza kuisaidia jamii.
Historia
Hakuna Matata ni albamu ya pili ya Msowoya baada ya ile ya kwanza ya Natembea kwa Imani kutofanya vizuri sokoni.

“Bahati mbaya niliitengeneza kutokana na kiwango kidogo hivyo iliishia kabatini, namshukuru Mungu kwa sababu kazi hii ni nzuri na wakazi wa Iringa wameipokea. Naamini itapokelewa kote,”alisema.

Wednesday, October 18, 2017

TACOSODE WATOA DIRA YA KUTATUA CHANGAMOTO ZA SEKTA YA AFYA HASA VIJIJINI

 Mkurugenzi wa Miradi wa Tacosode, Theofrida Kapinga akizungumza jambo wakati wa semina iliyofanyika katika ukumbi wa Valentine mkoani Iringa
Afisa mchechemzi wa mradi Abraham Kimuli akiendelea kutoa elimu kwa wanasemina walikuwa wamehudhuria katika ukumbi wa Valentine
 Baadhi ya washiriki wakiwa kwenye mijadala ya sekta ya afya na jinsi gani wanaweza kutatua changamoto zinazoweza kuikoa sekta ya afya hapa nchini


Na Fredy Mgunda, Iringa.

BARAZA la Vyama vya hiari na Maendeleo ya Jamii (TACOSODE) limesema wananchi wamekuwa na uelewa kuhamasisha bajeti kuwa na kipaumbele kwa changamoto zinazowakabili.

Hayo ameyasema Mkurugenzi wa Miradi wa Tacosode, Theofrida Kapinga wakati akizungumza semina ya kujadilia jinsi gani ya kutatua changamoto zinazoikumba sekta ya afya iliyofanyika katika ukumbi wa Valentine Manispaa ya Iringa.

“Unajua zamani wananchi hata viongozi wa sekta ya afya walikuwa wagumu kuelezea changamoto zinazowakabili lakini saizi wananchi na viongozi wamekuwa na elimu ya kutosha juu ya kueleza changamoto zilizopo katika sekta hiyo ndio maana vitu vingi vinaibuka muda huu” alisema Kapinga

Kapinga alisema licha ya serikali kufanya juhudi kutatua changamoto ili kuto huduma ya afya bora lakini bado sekta hiyo inaendelea kukabiliwa na changamoto mbalimbali ambazo zinakwamisha upatikanaji wa huduma bora za afya kwa wananchi.

“Ukiangalia tafiti nyingi zinaonyesha kuwa serikali imekuwa ikishindwa kuongeza bajeti ya sekta ya afya ili kufikia asilimia 15 ya bajeti yote ya serikali kwa kuzingatia azimio la Abuja” alisema Kapinga

Aidha kapinga alisema kuwa moja ya changamoto kubwa ni uhaba wa kupatikana kwa dawa muhimu, vitendanishi na vifaa tiba kulinganisha na utafiti wa mwaka 2012 ulifanywa na taasisi ya afya ya Ifakara na kugundua kuwa asilimia 41 ya dawa muhimu zinahitajika kwa kiasi kikubwa.

Kwa upande wake afisa mchechemzi wa mradi Abraham Kimuli aliwataka watumishi wa sekta ya afya kuzibaini changamoto zinazowakabili na kuzitafutia ufumbuzi kushirikiana na serikali panoja na sekta binafsi.

“Unajua kweli kuna changamoto nyingi ambazo zinawakabili hivyo ni lazima muwe wabunifu kuzitafutia ufumbuzi lakini kwenye hizi sekta binafsi kuwa wasomi wengi ambao wanaweza kutoa ushauri mzuri wa kutatua changamoto zilizopo” alisema Kimuli 

Kimuli alisema kuwa wananchi wamekuwa na uelewa wa maswala ya afya kutokana na elimu waliopata katika mradi wa uhamasishaji wananchi kushiriki katika masuala ya afya katika kuangalia vipaumbele vya bajeti uliokuwa ukitekelezwa katika Mikoa ya Iringa pamoja na Dodoma.

Kimuli alisema kuwa mradi huo wa miaka minne umekuwa na matokeo katika wilaya ambazo umetekelezwa kwa wananchi kuwa na mwamko katika masuala ya huduma za afya kwa kuchangia hata nguvu zao pale panapobidi.

Aidha amesema kuwa mradi huo ukiisha wanaweza kufanya katika sekta zingine ili kuwa maendeleo ya katika masuala mbalimbali kutatuliwa.

Akizungumza kwa niaba ya mkurugenzi wa halmashauri ya wilaya ya Iringa Abel Mgimwa alisema kuwa serikali ya awamu ya tano imejipanga kuahakikisha changamoto zinatatuliwa kimkakati kulingana na bajeti wanayokuwa wameipanga.

“Ukiangalia bajeti ya mwaka wa fedha mwaka huu imepanda hivyo ni dalili njema za kuanza kutatua changamoto ambazo zimekuwa zikidumu kwa miaka mingi na kuwaomba wananchi na viongozi kuwa na subira katika kipindi hiki cha utatuzi wa changamoto hizo” alisema Mgimwa

Mgimwa aliwapongeza TACOSODE kwa mchango wao katika sekta ya afya ambayo imekuwa na changamoto nyingi hivyo sio rahisi kwa serikali kutatua kwa haraka hivyo.

Post Top Ad

Responsive Ads Here